سرير لقطتك من صنعك وبأبسط الأدوات




الأدوات ]

بكرة خيط تكون كبيرة > عادي اذا استخدمت الخيوط الصغيرة

مقص > وطبعا لازم يكون يقص القماش كويس

ابرة خياطة > ومكينة خياطة

ممكن كمان مسدس صمغ

خيوط صوف للزينة > وشرايط 

ورق مقوى للقاعدة > ممكن تستغنوا عنه

ايوه أهم شي 

قطن اواسفنج للحشو ممكن من مخدة قديمة بترموها اغسلها بالغساله ونشفها بالشمس وممكن تستعملها

بطانية قديمة > او ممكن تستخدموا اي نوع قماش







خطوات العمل ]

اول شي حدد المقاس اللي تبغاة

قص الورق المقوى بشكل بيضاوي او دائري برضوا قص من القماش مربعين كبار تكفي العملية كلها
مربع القاعدة ومربع الاساس

حط قماشه القاعدة ولصقها بالورق المقوى , حتصير القماشة تحت والورق المقوى فوق 
حط القطن على الورق المقوى السمك اللي تبي غطية بالقماشة الاساس وخيط اطراف القماشة الاساس بالقاعدة
على حدود الورق المقوى , راح تكون الاطراف بارزة من القاعدة وشكلها ماراح يعجبك بس لا تخاف النتيجة النهائية 
احلى صح لا تقص الاطراف البارزة راح نحتاجها

وبكذا خلصنا من القاعدة...........................الف الف مبروك




راح نبدأ بمسند السرير او الكرسي
قص شكل مستطيل من القماش او البطانية بس يكون عريض 





املاء المستطيل بالقطن واطوي الطرف على الطرف راح نخيط اللاطراف المفتوحة اللي حددتها بخيوط الصوف



ممكن تجمعوا الطرفين بالمسند اذا كنتم نبغوه بشكل دائرة بس انا راح اخليها مفتوحة 


الحين راح نجمع الكريس ببعضه

الطرف اللي مخيط من المسند راح يتخيط مع الاطارف اللي بارزة من القاعدة اللي قلتلكم لا تقصوهاخلاص بس لما تخيطوا خيطوا من الحدود الداخلية



بعد ما تجمعوا السرير كذا بنكون خلصنا

اذا حبيتم ممكن تزينوه 

الشرايط تتسوى على شكل فيونكات صغيرة , حاول تخيط الفيونكات من الوسط حتى ما تنفرط من لعب بستك فيها 



ممكن تلصقها على اطراف السرير , انا افضل انك تخيطها علشان ما تطيح من لقافة بستك

هذي انا مخيطتها بس طيحتها بسكوتة , الاذى




فكرة برضوا بخيوط الصوف ممكن تزين الاطرف , انا سويت حركات في الخيط الصوف وخيطته بخيط من نفس لون خيط الصوف




وبس وبالعافية على بسك او بستك السرير الجديد تهرى بالعافية ان شاء الله 

هذي صورة روزا على الكرسي قبل ما تختفي نوعها بلدي من بسس حارتنا , امي تهاوشني عليهم جمعتي علينا بساس الشوارع صرنا زي بيت مدري مين متجمعة البساس على بابنا , انا وش دخلني بس اوكلهم , مسوية بريئة



بالاخير بعد الموافق جبت بسكوته هدية من صديقتي امها امريكية شعرها طويل وابوها بلدي
بس طالعة عسل ياناس العيون دائرية لونها عسلي والشعر منفوش مو طويل مرة بس متوسط الطول وعلى قولت اختي حطيلها بلسم هههههههه

ادعولها تطيب الفطريات نتفتها وطيحت شعرها , صاير شكها يموت من الضحك لا طابت بنزل صورها

صورتها على السرير قبل مايطيح الشعر



هذي صورتها اليوم احسن من اول شعرها بدا يطلع

المهم

صور السرير بعد العمل النهائي





0 التعليقات:

إرسال تعليق